ಮಲಯಾಳಂನ ಜನಪ್ರಿಯ ಕಿರುತೆರೆ ನಟ ರಮೇಶ್ ವಾಲಿಯಸಾಲ ನಿಗೂಢವಾಗಿ ಸಾವನ್ನಪ್ಪಿದ್ದಾರೆ. ಇಂದು (ಶನಿವಾರ, ಆಗಸ್ಟ್ 11) ಬೆಳಗ್ಗೆ ತಮ್ಮ ನಿವಾಸದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ನಟ ರಮೇಶ್ ವಾಲಿಯಸಾಲ ಅವರ ಮೃತದೇಹ ಪತ್ತೆಯಾಗಿದೆ ಎಂದು ವರದಿಯಾಗಿದೆ. ಕೇರಳದ ಪೊಲೀಸರು ರಮೇಶ್ ವಾಲಿಯಸಾಲ ಅವರ ಅಸಹಜ ಸಾವಿನ ಪ್ರಕರಣವನ್ನು ದಾಖಲಿಸಿಕೊಂಡಿದ್ದು, ತನಿಖೆ ಆರಂಭಿಸಿದ್ದಾರೆ.ಎರಡು ದಿನಗಳ ಹಿಂದೆಯಷ್ಟೇ ಮಲಯಾಳಂನ ಸಿನಿಮಾವೊಂದರ ಶೂಟಿಂಗ್ ಮುಗಿಸಿ ರಮೇಶ್ ವಾಲಿಯಸಾಲ ವಾಪಸ್ ಮನೆಗೆ ಬಂದಿದ್ದರು. ಇದೀಗ ಅವರು ನಿಗೂಢವಾಗಿ ಮೃತಪಟ್ಟಿದ್ದಾರೆ. ರಮೇಶ್ ವಾಲಿಯಸಾಲ ಅವರ ಸಾವಿನ ಸುದ್ದಿ ತಿಳಿಯುತ್ತಿದ್ದಂತೆಯೇ, ಅವರ ಸ್ನೇಹಿತರು, ಚಲನಚಿತ್ರ ಮತ್ತು ಕಿರುತೆರೆ ಸಹೋದ್ಯೋಗಿಗಳು ಸಾಮಾಜಿಕ ಜಾಲತಾಣಗಳ ಮೂಲಕ ಕುಟುಂಬಕ್ಕೆ ಸಾಂತ್ವನ ತಿಳಿಸಿದ್ದಾರೆ.
ರಮೇಶ್ ವಾಲಿಯಸಾಲ ಅವರಿಗೆ ಕಾಡುತ್ತಿತ್ತಾ ಆರ್ಥಿಕ ಮುಗ್ಗಟ್ಟು?
54 ವರ್ಷ ವಯಸ್ಸಿನ ರಮೇಶ್ ವಾಲಿಯಸಾಲ ಆರ್ಥಿಕ ಸಂಕಷ್ಟದಲ್ಲಿ ಸಿಲುಕಿದ್ದರು ಎಂದು ವರದಿಯಾಗಿದೆ. ಕೋವಿಡ್ ಲಾಕ್ಡೌನ್ ಬಳಿಕ ರಮೇಶ್ ವಾಲಿಯಸಾಲ ಅವರಿಗೆ ತೀವ್ರ ಹಣಕಾಸಿನ ಮುಗ್ಗಟ್ಟು ಎದುರಾಗಿತ್ತು ಎಂದು ಮೂಲಗಳು ತಿಳಿಸಿವೆ.
‘’ಜೀವನದಲ್ಲಿ ಬಹಳಷ್ಟು ಸಮಸ್ಯೆಗಳಿರುತ್ತವೆ. ಆದರೆ ಅದರಿಂದ ತಪ್ಪಿಸಿಕೊಂಡು ಓಡಿಹೋಗುವುದರಲ್ಲಿ ಅರ್ಥವಿಲ್ಲ. ನನ್ನ ಆತ್ಮೀಯ ಗೆಳೆಯ ರಮೇಶನಿಗೆ ಶ್ರದ್ಧಾಂಜಲಿಗಳು’’ ಎಂದು ನಿರ್ಮಾಪಕ ಎನ್.ಎಂ.ಬಾದುಷಾ ಫೇಸ್ಬುಕ್ನಲ್ಲಿ ಬರೆದುಕೊಂಡಿದ್ದಾರೆ.
ಅಂದ್ಹಾಗೆ, ರಮೇಶ್ ವಾಲಿಯಸಾಲ ಜನಪ್ರಿಯ ಮತ್ತು ಬಿಡುವಿಲ್ಲದ ಟಿವಿ ಸೀರಿಯಲ್ ನಟರ ಪೈಕಿ ಒಬ್ಬರಾಗಿದ್ದರು. ಸೀರಿಯಲ್ಗಳಲ್ಲಿ ಮಾತ್ರವಲ್ಲ ಅನೇಕ ಸಿನಿಮಾಗಳಲ್ಲೂ ರಮೇಶ್ ವಾಲಿಯಸಾಲ ಅಭಿನಯಿಸಿದ್ದರು. ಚಿಕ್ಕವಯಸ್ಸಿಂದಲೂ ನಟನೆ ಬಗ್ಗೆ ಅಪಾರ ಆಸಕ್ತಿ ಹೊಂದಿದ್ದ ರಮೇಶ್ ವಾಲಿಯಸಾಲ ಕಾಲೇಜು ದಿನಗಳಲ್ಲಿ ರಂಗಭೂಮಿ ಪ್ರವೇಶ ಮಾಡಿದ್ದರು. ಬಳಿಕ ಕಿರುತೆರೆ ಹಾಗೂ ಸಿನಿ ಲೋಕಕ್ಕೆ ಕಾಲಿಟ್ಟರು. ಕಳೆದ 22 ವರ್ಷಗಳಿಂದ ರಮೇಶ್ ವಾಲಿಯಸಾಲ ಬಣ್ಣದ ಬದುಕಿನಲ್ಲಿ ಸಕ್ರಿಯರಾಗಿದ್ದರು.
ನಟ ರಮೇಶ್ ವಾಲಿಯಸಾಲ ನಿಧನಕ್ಕೆ ನಟಿ ಅಶ್ವತ್ಥಿ, ರಾಜೇಶ್ ಹೆಬ್ಬಾರ್, ಕಿಶೋರ್ ಸತ್ಯ ಸೇರಿದಂತೆ ಕಿರುತೆರೆ ಲೋಕ ಹಾಗೂ ಮಾಲಿವುಡ್ನ ಅನೇಕ ತಾರೆಯರು ಕಂಬನಿ ಮಿಡಿದಿದ್ದಾರೆ.
ರಮೇಶ್ ವಾಲಿಯಸಾಲ ಅವರಿಗೆ ಕಾಡುತ್ತಿತ್ತಾ ಆರ್ಥಿಕ ಮುಗ್ಗಟ್ಟು?
54 ವರ್ಷ ವಯಸ್ಸಿನ ರಮೇಶ್ ವಾಲಿಯಸಾಲ ಆರ್ಥಿಕ ಸಂಕಷ್ಟದಲ್ಲಿ ಸಿಲುಕಿದ್ದರು ಎಂದು ವರದಿಯಾಗಿದೆ. ಕೋವಿಡ್ ಲಾಕ್ಡೌನ್ ಬಳಿಕ ರಮೇಶ್ ವಾಲಿಯಸಾಲ ಅವರಿಗೆ ತೀವ್ರ ಹಣಕಾಸಿನ ಮುಗ್ಗಟ್ಟು ಎದುರಾಗಿತ್ತು ಎಂದು ಮೂಲಗಳು ತಿಳಿಸಿವೆ.
‘’ಜೀವನದಲ್ಲಿ ಬಹಳಷ್ಟು ಸಮಸ್ಯೆಗಳಿರುತ್ತವೆ. ಆದರೆ ಅದರಿಂದ ತಪ್ಪಿಸಿಕೊಂಡು ಓಡಿಹೋಗುವುದರಲ್ಲಿ ಅರ್ಥವಿಲ್ಲ. ನನ್ನ ಆತ್ಮೀಯ ಗೆಳೆಯ ರಮೇಶನಿಗೆ ಶ್ರದ್ಧಾಂಜಲಿಗಳು’’ ಎಂದು ನಿರ್ಮಾಪಕ ಎನ್.ಎಂ.ಬಾದುಷಾ ಫೇಸ್ಬುಕ್ನಲ್ಲಿ ಬರೆದುಕೊಂಡಿದ್ದಾರೆ.
ಅಂದ್ಹಾಗೆ, ರಮೇಶ್ ವಾಲಿಯಸಾಲ ಜನಪ್ರಿಯ ಮತ್ತು ಬಿಡುವಿಲ್ಲದ ಟಿವಿ ಸೀರಿಯಲ್ ನಟರ ಪೈಕಿ ಒಬ್ಬರಾಗಿದ್ದರು. ಸೀರಿಯಲ್ಗಳಲ್ಲಿ ಮಾತ್ರವಲ್ಲ ಅನೇಕ ಸಿನಿಮಾಗಳಲ್ಲೂ ರಮೇಶ್ ವಾಲಿಯಸಾಲ ಅಭಿನಯಿಸಿದ್ದರು. ಚಿಕ್ಕವಯಸ್ಸಿಂದಲೂ ನಟನೆ ಬಗ್ಗೆ ಅಪಾರ ಆಸಕ್ತಿ ಹೊಂದಿದ್ದ ರಮೇಶ್ ವಾಲಿಯಸಾಲ ಕಾಲೇಜು ದಿನಗಳಲ್ಲಿ ರಂಗಭೂಮಿ ಪ್ರವೇಶ ಮಾಡಿದ್ದರು. ಬಳಿಕ ಕಿರುತೆರೆ ಹಾಗೂ ಸಿನಿ ಲೋಕಕ್ಕೆ ಕಾಲಿಟ್ಟರು. ಕಳೆದ 22 ವರ್ಷಗಳಿಂದ ರಮೇಶ್ ವಾಲಿಯಸಾಲ ಬಣ್ಣದ ಬದುಕಿನಲ್ಲಿ ಸಕ್ರಿಯರಾಗಿದ್ದರು.
ನಟ ರಮೇಶ್ ವಾಲಿಯಸಾಲ ನಿಧನಕ್ಕೆ ನಟಿ ಅಶ್ವತ್ಥಿ, ರಾಜೇಶ್ ಹೆಬ್ಬಾರ್, ಕಿಶೋರ್ ಸತ್ಯ ಸೇರಿದಂತೆ ಕಿರುತೆರೆ ಲೋಕ ಹಾಗೂ ಮಾಲಿವುಡ್ನ ಅನೇಕ ತಾರೆಯರು ಕಂಬನಿ ಮಿಡಿದಿದ್ದಾರೆ.