Please enable javascript.K Thangavel,തമിഴ്‌നാട്ടിൽ സിപിഎം മുൻ എംഎൽഎ കൊവിഡ്‌ ബാധിച്ച്‌ മരിച്ചു - cpim leader and tamilnadu former-mla k-thangavel died due to covid 19 - Samayam Malayalam

തമിഴ്‌നാട്ടിൽ സിപിഎം മുൻ എംഎൽഎ കൊവിഡ്‌ ബാധിച്ച്‌ മരിച്ചു

Samayam Malayalam | 13 Sept 2020, 3:49 pm
Subscribe

2011ല്‍ തിരുപ്പൂര്‍ സൗത്ത് മണ്ഡലത്തില്‍ നിന്നാണ് അദ്ദേഹം നിയമസഭയിലെത്തിയത്.

K Thangavel
കെ തങ്കവേൽ : ചിത്രം: Facebook/ K Thangavel

കോയമ്പത്തൂര്‍: തമിഴ്‌നാട്ടില്‍ സിപിഎം മുന്‍ എംഎല്‍എ കെ തങ്കവേല്‍ കൊവിഡ് ബാധിച്ച് മരിച്ചു. 69 വയസ്സായിരുന്നു. ആശുപത്രിയിലായിരുന്ന തങ്കവേൽ, മരുന്നുകളോട് പ്രതികരിച്ചിരുന്നില്ലെന്നാണ് റിപ്പോർട്ടുകൾ. കഴിഞ്ഞ ഒരാഴ്ചയായി കോയമ്പത്തൂരിലെ സ്വകാര്യ ആശുപത്രിയിലായിരുന്ന ഇദ്ദേഹം ഇന്ന് പുലർച്ചെയാണ് മരിച്ചത്.

2011ല്‍ തിരുപ്പൂര്‍ സൗത്ത് മണ്ഡലത്തെയാണ് അദ്ദേഹം നിയമസഭയിൽ പ്രതിനിധീകരിച്ചത്. സിപിഐ എം സംസ്ഥാന കമ്മിറ്റി അംഗമായിരുന്ന അദ്ദേഹം, കോയമ്പത്തൂര്‍ ജില്ലാ സെക്രട്ടറിയായും പ്രവര്‍ത്തിച്ചിട്ടുണ്ട്. തങ്കവേലിന്‍റെ മൃതദേഹം തിരുപ്പൂർ ആതുപാളയത്ത് സംസ്കരിച്ചു. കൊവിഡ് സാഹചര്യത്തിൽ കുടുംബാംഗങ്ങൾ മാത്രമായിരുന്നു ചടങ്ങിൽ പങ്കെടുത്തത്.

Also Read: ഡൽഹി കലാപത്തിൽ യെച്ചൂരിക്ക് പങ്കെന്ന കുറ്റപത്രത്തിനെതിരെ കോൺഗ്രസ്; സംഭവിച്ചതെന്തൊക്കെ, അറിയാം 5 കാര്യങ്ങൾ

കൊവിഡ് സാഹചര്യം കണക്കിലെടുത്ത് കുടുംബാംഗങ്ങൾ മാത്രമെ സംസ്കാര ചടങ്ങിൽ പങ്കെടുക്കുകയുള്ളൂവെന്ന് സിപിഎം തമിഴ്നാട് സംസ്ഥാന കമ്മിറ്റി നേരത്തെ വ്യക്തമാക്കിയിരുന്നു. തമിഴ്നാട്ടിൽ കൊവിഡ് കേസുകൾ 4,97,000 കടന്നിരിക്കുകയാണ്. ഇന്നലെ സംസ്ഥാനത്ത് 5,495 പേർക്കായിരുന്നു കൊവിഡ്-19 സ്ഥിരീകരിച്ചത്. 6,227 പേർക്ക് ശനിയാഴ്ച രോഗമുക്തിയും ലഭിച്ചിരുന്നു.

Also Read: ആര്‍ജെഡി വിട്ടത് രണ്ട് ദിവസം മുമ്പ്; മുന്‍ കേന്ദ്രമന്ത്രി രഘുവംശ് പ്രസാദ് സിങ് അന്തരിച്ചു

കഴിഞ്ഞ 24 മണിക്കൂറിനുള്ളിൽ 76 മരണങ്ങളാണ് സംസ്ഥാനത്ത് റിപ്പോർട്ട് ചെയ്തത്. സംസ്ഥാനത്ത് ഇതുവരെ രോഗം ബാധിച്ചവരുടെ എണ്ണം 4,97,649 ആയിരിക്കുകയാണ്. നിലവിൽ തമിഴ്നാട്ടിൽ 47,110 ആക്ടീവ് കേസുകളാണ് ഉള്ളത്. ആകെ 4,41,649 പേർക്കാണ് തമിഴ്നാട്ടിൽ കൊവിഡ് മുക്തി ലഭിച്ചത്. ഇതുവരെ 8,307 പേർക്കാണ് രോഗം മൂലം ജീവൻ നഷ്ടമായതെന്നും ആരോഗ്യ വകുപ്പ് പുറത്തുവിട്ട കണക്കുകൾ വ്യക്തമാക്കുന്നു.
കമന്റ് ചെയ്യൂ

ആര്‍ട്ടിക്കിള്‍ ഷോ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക്പേജ് ലൈക്ക് ചെയ്യൂ